Такрор ва такрор ўзбек блоггинги ҳақида

Орадан бир қанча муддат ўтган бўлса ҳам, кимгадир менинг фикрим қизиқ бўлса ҳам/бўлмаса ҳам ёзишга ҳаракат қилдим, ёздим.

Ўзбек блоггерлари чемпионати ташкиллаштирилди, ниҳоят финал босқичига ҳам етиб келинди. Ва менда бир оз эътирозлар пайдо бўла бошлади. (Кимга эканлигини айтиб ўтирмайман, ким ушбу постни ўқиса тушуниб олади.) Балки бу менга шундай туюлгандир, билмадим...


4-бочқичда эълон қилинган блогпостларни ўқиб чиқишни бошладим, ўқиб ҳам чиқдим. Овоз бериш жараёнини кузатдим. Кейинроқ бир танишимга блоглар ҳақидаги фикримни айтдим. Овоз беришда нолойиқлик сабабли мен ҳакамларни нишонга олиб қўйдим. Ҳа, тўғри електрон овоз беришда унчалик ҳам қаллоблик қилиша олмайди, лекин гап бошқа томонда.

Азиз Қаршиев, Ҳамза Фозилжонов, Аброр Қодиров, Зокирбек Ўринов, Шермуҳаммад Абдуғофуров ва Муҳрим Аъзамҳўжаевларни 4-босқич учун ёзган блоглари ҳақиқатдан қизиқ, бу постларни ўқисангиз "блог" термини ўз аксини топади. Лекин "ошқовоқ"чи, буни билмадим?...

Мен кимга қайси мавзу ҳақида блог ёзишини, ким қайси блогпостга овоз беришини ҳал қилмайман. Аслини олганда ўзим ҳар куни блогпост ёзиб, блоггингга катта хисса қўшган эмасман, ёки арзигулик бирон блогпостим ҳам йўқ. Аммо, блоггингни тушунаман. Уни критиковат қила оламан (ўзимча).

Ғояни олиб чиққанларни бирдан санаб ўтирмоқчи эмасман. Уларни фаоллиги ва чемпионатни финалгача етиб келишини ўзи бир ҳайратланарли қувонч. Шу сабабдан ҳам Уларни меҳнатларини қадрлайман, ҳурмат қиламан.

 Баъзи "блоггер"лар блогпост деб, ҳикоя, эртак, аллақандайдир матн, таржима, фарзандларни "гаврон" билан тарбиялаш ҳақида кўп, бир-биридан қизиқарли, бир-биридан мазмунли, фойдали "блог"лари билан иштирок этишди. Бу ҳайратдан ажабланарли ҳол, ишонаверинг бу сенсация.

***

07.03.14 23:30 (вақт таҳминан)
Лазиз Ҳамидов блогида янги пост. Ўқиб чиқдим, жуда ажойиб ёзилган, очиғи ёқди. Асосийси ўз фикрини очиқ билдирган.

 "Ўнлаб айбингиз твиттерда саналгач уни ретвит қилиб, Ишимиз одамларга ёқдики танқид қилишаяпти" деб тиржайиб турманг. Сизни оламон кузатмоқда, сиз ошкора бўлинг, блогпостларни қандай критериялар асосида баҳолаётганингизни очиқ айтинг!

 Гугуси блоги эгаси ҳам овоз беришда ўз фикрлари билан ўртоқлашган. Айтиш мумкинки у маълум блоггер тарафдори сифатида фикр ёзган.

Энди мен ҳам ёрилсам. "Қовоқ" блогпости ёқмаганлигидан, блоггерни аввалги постлари билан танишдим, "блог"га арзигулик, айнан танлов учун ёзилган постни учратмадим. (Лекин, y 4-босқичда?!) Ва "Ўзбек блоггерлари" сайтида салбий фикр билан изоҳ қолдирдим, модерация қилинмади. (Чунки "улар"ни кампаниясидаги одамга нисбатан салбий фикр... (адолат, мувозанат, холислик))

Аввалдан чемпионат қонун-қоидалари эълон қилинди. Аммо, сиёсий ҳаёт ҳақида блогпост ёзиш тақиқланмаган эди. Тақиқланган бўлганда хам худди қаноти қайрилган қуш каби, ёки футбол ўйнанглару лекин гол уриш йўқ дегандай бўларди. Шундай бўлса ҳам Инамджанович номи остидаги блоггернинг блогпости эълон қилинмади.

Хулоса, овоз бериш жараёнидан келиб чиқиб, ўқувчилар блоггингни тушуниб етишмаганига гувоҳ бўлдим.

Доим кулиб турган одам расман ҳақиқат тарафдори бўлса ҳам, адолат, мувозатан, холислик йўқ бўлиши мумкинлигига яна бир бор гувоҳ бўлдим.

Агар ушбу блогпост "Ўзблоггерлар" гуруҳида админ томонидан модерация қилинмаса ажабланмайман.